В святую и великую Неделю Пасхи
Стихира при крестном ходе перед утреней: Воскресение Твое, Христе Спасе, Ангели поют на небесех: и нас на земли сподоби чистым сердцем Тебе славити.
Тропарь Христос воскресе из мертвых, смертию смерть поправ и сущим во гробех живот даровав.
Ирмосы канона
1. Воскресения день, просветимся, людие: Пасха, Господня Пасха: от смерти бо к жизни и от земли к небеси, Христос Бог нас приведе, победную поющия.
3. Приидите, пиво пием новое, не от камене неплодна чудодеемое, но нетления источник из гроба одождивша Христа, в Немже утверждаемся.
Ппакои, гл. 4: Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете яко человека? Видите гробныя пелены: тецыте и миру проповедите: яко воста Господь, умертвивый смерть, яко есть Сын Бога, спасающаго род человеческий.
4. На Божественной стражи, богоглаголивый Аввакум да станет с нами и покажет светоносна Ангела, ясно глаголюща: днесь спасение миру, яко воскресе Христос яко всесилен.
5. Утренюем утреннюю глубоку, и вместо мира песнь принесем Владыце, и Христа узрим правды Солнце, всем жизнь воссияюща.
6. Снисшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба.
Кондак, гл. 8: Аще и во гроб снисшел еси, Бессмертие, но адову разрушил еси силу и воскресл еси яко победитель, Христе Боже, женам мироносицам вещавый: радуйтеся! и Твоим Апостолом мир даруяй, падшим подаяй воскресение.
7. Отроки от пещи избавивый, быв человек, страждет яко смертен, и страстию смертное в нетления облачит благолепие, един благословен отцев Бог и препрославлен.
8. Сей нареченный и святый день, един суббот царь и господь, праздников праздник и торжество есть торжеств, в оньже благословим Христа во веки.
Припев: Ангел вопияше Благодатней: Чистая Дево, радуйся! и паки реку: радуйся! Твой Сын воскресе тридневен от гроба, и мертвыя воздвигнувый: людие, веселитеся!
9. Светися, светися, новый Иерусалиме: слава бо Господня на тебе воссия: ликуй ныне и веселися, Сионе! Ты же чистая красуйся, Богородице, о восстании Рождества Твоего.
Ексапостиларий Плотию уснув яко мертв, Царю и Господи, тридневен воскресл еси, Адама воздвиг от тли и упразднив смерть: Пасха нетления, мира спасение.
Стихиры, гл. 5
Стих: Да воскреснет Бог, и расточатся врази Его.
Пасха священная нам днесь показася: Пасха нова, святая, Пасха таинственная, Пасха всечестная, Пасха Христос Избавитель; Пасха непорочная, Пасха великая; Пасха верных, Пасха двери райския нам отверзающая; Пасха всех освящающая верных.
Стих: Яко исчезает дым, да исчезнут.
Приидите от видения, жены благовестницы, и Сиону рцыте: приими от нас радости благовещения воскресения Христова; красуйся, ликуй и радуйся, Иерусалиме, Царя Христа узрев, из гроба яко жениха происходяща.
Стих: Тако да погибнут грешницы от лица Божия, а праведницы да возвеселятся.
Мироносицы жены, утру глубоку представша гробу Живодавца, обретоша Ангела на камени седяща, и той, провещав им сице глаголаше: что ищете Живаго с мертвыми? что плачете Нетленнаго во тли? шедша, проповедите учеником Его.
Стих: Сей день, егоже сотвори Господь, возрадуемся и возвеселимся в онь.
Пасха красная, Пасха, Господня Пасха! Пасха всечестная нам воссия! Пасха! радостию друг друга объимем! О, Пасха! избавление скорби: ибо из гроба днесь яко от чертога воссияв Христос, жены радости исполни, глаголя: проповедите Апостолом.
Слава, и ныне: Воскресения день и просветимся торжеством, и друг друга объимем, рцем: братие! и ненавидящим нас, простим вся воскресением и тако возопиим: Христос воскресе из мертвых, смертию смерть поправ и сущим во гробех живот даровав.
На литургии
Антифон 1-ый: Воскликните Господеви вся земля, пойте же имени Его, дадите славу хвале Его. Молитвами Богородицы…
Рцыте Богу: коль страшна дела Твоя, во множестве силы Твоея солжут Тебе врази Твои. Молитвами Богородицы…
Вся земля да поклонится Тебе, и поет Тебе, да поет же имени Твоему вышний. Молитвами Богородицы, Спасе, спаси нас.
Слава, и ныне: Молитвами Богородицы…
Антифон 2-ой: Боже ущедри ны и благослови ны, просвети лице Твое на ны и помилуй ны. Спаси ны, Сыне Божий, воскресый из мертвых, поющия Ти: аллилуиа.
Да познаем на земли путь Твой, во всех языцех спасение Твое. Спаси ны…
Да исповедятся Тебе людие, Боже, да исповедятся Тебе людие вси. Спаси ны…
Слава, и ныне: Единородный Сыне…
Антифон 3-й: Да воскреснет Бог, и расточатся врази Его, и да бежат от лица Его ненавидящии Его. Христос воскресе…
Яко исчезает дым, да исчезнут, яко тает воск от лица огня. Христос воскресе…
Тако да погибнут грешницы от лица Божия, и праведницы да возвеселятся, да возрадуются пред Богом. Христос воскресе…
Входное: В церквах благословите Бога, Господа от источник Израилевых. Христос…
Предварившия утро… Слава, и ныне… Аще и во гроб…
Прокимен, гл. 8: Сей день егоже сотвори Господь, возрадуемся и возвеселимся вонь.
Стих: Исповедайтеся Господеви, яко благ, яко в век милость Его.
Аллилуиа, гл. 4: Ты воскрес ущедриши Сиона.
Причастен: Тело Христово приимите, источника бессмертнаго вкусите.
На вечерни Прокимен, гл. 7: Кто Бог велий, яко Бог наш? Ты еси Бог творяй чудеса.
Понедельник Светлой седмицы
На литургии
Прокимен, гл. 8: Во всю землю изыде вещание их, и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Аллилуиа, гл. 4: Исповедят небеса чудеса Твоя, Господи.
Причастен: Тело Христово приимите…
На вечерни Прокимен, гл. 1: Бог наш на небеси и на земли, вся, елика восхоте, сотвори.
Вторник Светлой седмицы
На литургии
Прокимен, гл. 3: песнь Богородицы: Величит душа моя Господа, и возрадовася дух мой о Бозе, Спасе моем.
Стих: Яко призре на смирение рабы своея, се бо отныне ублажат мя вси роди.
Аллилуиа, гл. 8: Воскресни, Господи, в покой Твой, Ты, и кивот святыни Твоея.
Причастен: Тело Христово…
На вечерни Прокимен, гл. 8: Гласом моим ко Господу воззвах, гласом моим к Богу и внят ми.
Среда Светлой седмицы
На литургии
Прокимен, гл. 6: Помяну имя Твое во всяком роде и роде.
Стих: Слыши, дщи, и виждь, и приклони ухо твое.
Аллилуиа, гл. 3, песнь Богородицы: Величит душа моя Господа, и возрадовася дух мой о Бозе, Спасе моем.
Четверг Светлой седмицы
На литургии
Прокимен, гл. 3: Пойте Богу нашему, пойте, пойте Цареви нашему, пойте.
Стих: Вси языцы, восплещите руками, воскликните Богу гласом радования.
Аллилуиа, гл. 4: Наляцы и успевай и царствуй, истины ради и кротости и правды.
Пятница Светлой седмицы
На литургии прокимен и аллилуиа как в понедельник Светлой седмицы.
Суббота Светлой седмицы
На литургии
Прокимен, гл. 3: Господь просвещение мое и Спаситель мой, кого убоюся?
Стих: Господь защититель живота моего, от кого устрашуся.
Аллилуиа, гл. 5: Господь воцарися, в лепоту облечеся, облечеся Господь в силу и препоясася.
Неделя 2-ая по Пасхе: о Фоме
Тропарь, гл. 7
Запечатану гробу, Живот от гроба воссиял еси, Христе Боже, и дверем заключенным, учеником предстал еси, всех воскресение, дух правый теми обновляя нам, по велицей Твоей милости.
Кондак, гл. 8 Любопытною десницею, жизноподательная Твоя ребра Фома испыта, Христе Боже: созаключенным бо дверем яко вшел еси, с прочими Апостолы вопияше Тебе: Господь еси и Бог мой.
На утрени Прокимен, гл. 4: Похвали, Иерусалиме, Господа, хвали Бога Твоего, Сионе.
На литургии
Прокимен, гл. 3
Прокимен, гл. 3: Велий Господь наш, и велия крепость Его, и разума Его несть числа.
Стих: Хвалите Господа, яко благ псалом, Богови нашему да усладится хваление.
Аллилуиа, гл. 8: Приидите, возрадуемся Господеви, воскликнем Богу Спасителю нашему.
Причастен: Похвали, Иерусалиме, Господа, хвали Бога Твоего, Сионе.
На вечерни Прокимен, гл. 6: Кто Бог велий яко Бог наш? Ты еси Бог творяй чудеса.
Неделя 3-ья по Пасхе: мироносиц
Тропарь, гл. 2
Егда снисшел еси к смерти, Животе бессмертный, тогда ад умертвил еси блистанием Божества. Егда же и умершия от преисподних воскресил еси, вся силы небесныя взываху: Жизнодавче, Христе, Боже наш, слава Тебе.
Слава: Благообразный Иосиф с древа снем пречистое тело Твое, плащаницею чистою обвив, и благоуханми во гробе нове закрыв положи: но тридневен воскресл еси, Господи, подаяй мирови велию милость.
И ныне: Мироносицам женам при гробе представ ангел, вопияше: мира мертвым суть прилична, Христос же нетления явися чуждь. Но возопийте: воскресе Господь, подаяй мирови велию милость.
Кондак, гл. 2 Радоватися мироносицам повелел еси, плач праматере Евы утолил еси воскресением Твоим, Христе Боже; Апостолом же Твоим проповедати повелел еси: Спас воскресе от гроба.
На утрени Прокимен, гл. 2: Восстали, Господи Боже мой, повелением, имже заповедал еси, и сонм людей обыдет Тя.
На литургии
Воскр. прокимен, гл. 6: Спаси, Господи, люди Твоя, и благослови достояние Твое.
Стих: К Тебе, Господи, воззову, Боже мой, да не премолчиши от мене.
Аллилуиа: Благословил еси, Господи, землю Твою, возвратил еси плен Иаковль.
Причастен: Тело Христово приимите, источника бессмертнаго вкусите.
Неделя 4-я по Пасхе: о расслабленном
Тропарь воскресный, гл. 3 Кондак, гл. 3
Душу мою, Господи, во гресех всяческих, и безместными деяньми люте расслаблену, воздвигни Божественным Твоим предстательством, якоже и расслабленнаго воздвигл еси древле, да зову Ти спасаемы Щедрый, слава, Христе, державе Твоей.
На утрени Прокимен, гл. 3: Рцыте во языцех, яко Господь воцарися: ибо исправи вселенную, яже не подвижится.
На литургии
Воскр. прокимен, гл. 1: Буди, Господи, милость Твоя на нас, якоже уповахом на Тя.
Аллилуиа, гл. 5: Милости Твоя, Господи, во век воспою, в род и род.
Причастен: Тело Христово приимите, источника бессмертнаго вкусите.
Среда преполовения
Тропарь, гл. 8
Преполовившуся празднику, жаждущую душу мою благочестия напой водами, яко всем, Спасе, возопил еси: жаждай да грядет ко Мне и да пиет. Источниче жизни нашея, Христе Боже, слава Тебе.
Кондак, гл. 4 Празднику законному преполовляющуся, всех Творче и Владыко, к предстоящим глаголал еси, Христе Боже: приидите и почерпите воду бессмертия. Темже Тебе припадаем и верно вопием: щедроты Твоя даруй нам, Ты бо еси источник жизни нашея.
На литургии
Прокимен, гл. 3: Велий Господь наш и велия крепость Его, и разума Его несть числа.
Стих: Хвалите Господа, яко благ псалом, Богови нашему да усладится хваление.
Аллилуиа, гл. 1: Помяни сонм Твой, егоже стяжал еси исперва.
Причастен: Ядый Мою Плоть и пияй Мою Кровь, во Мне пребывает, и Аз в нем, рече Господь.
Неделя 5-я по Пасхе: о Самаряныне
Тропарь: воскресен, гл. 4 Кондак, гл. 8
Верою пришедшая на кладязь Самаряныня, виде Тя, премудрости воду, еюже напоившися обильно, Царствие вышнее наследова вечно, яко приснославная.
На утрени Прокимен, гл. 4: Воскресни, Господи, помози нам и избави нас, имене Твоего ради.
На литургии
Воскр. прокимен, гл. 3: Пойте Богу нашему, пойте, пойте цареви нашему, пойте.
Аллилуиа, гл. 4: Наляцы и успевай и царствуй истины ради и кротости и правды.
Причастен: Тело Христово приимите, источника бессмертнаго вкусите.
Неделя 6-ая по Пасхе: о слепом
Тропарь: воскресен, гл. 5 Кондак, гл. 4
Душевныма очима ослеплен, к Тебе, Христе, прихожду, якоже слепый от рождения, покаянием зову Ти: Ты сущих во тме свет пресветлый.
На утрени Прокимен, гл. 5: Воскресни, Господи Боже мой, да вознесется рука Твоя, яко Ты царствуеши во веки.
На литургии
Воскр. прокимен, гл. 8: Помолитеся и воздадите Господеви Богу нашему.
Аллилуиа, гл. 8: Призри на мя и помилуй мя.
Причастен: Тело Христово приимите, источника бессмертнаго вкусите.
В среду на литургии последование Пасхи
Четверг 6-й седмицы вознесение господне
Тропарь, гл. 4
Вознеслся еси во славе, Христе Боже наш, радость сотворивый учеником, обетованием Святаго Духа, извещенным им бывшим благословением: яко ты еси Сын Божий, Избавитель мира.
Кондак, гл. 6 Еже о нас исполнив смотрение и яже на земли соединив небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами и никтоже на вы.
На утрени
Величание: Величаем Тя, Живодавче Христе, и почитаем еже на небеса с пречистою Твоею Плотию Божественное вознесение.
Прокимен, гл. 4: Взыде Бог в воскликновении, Господь во гласе трубне.
На литургии
Антифон 1-й: Вси языцы восплещите руками, воскликните Богу гласом радования. Молитвами Богородицы, Спасе, спаси нас.
Яко Господь вышний страшен, Царь велий по всей земли. Молитвами…
Покори люди нам, и языки под ноги наша. Молитвами…
Взыде Бог в воскликновении, Господь во гласе трубне. Молитвами…
Слава, и ныне… Молитвами…
Антифон 2-й: Велий Господь и хвален зело во граде Бога нашего, в горе святей Его. Спаси ны, Сыне Божий, вознесыйся во славе, поющия Ти: аллилуиа.
Горы Сионския, ребра северова, град Царя великаго. Спаси ны…
Бог в тяжестех его знаемь есть, егда заступает и. Спаси ны…
Яко се царие земстии собрашася, снидошася вкупе. Спаси ны…
Слава, и ныне… Единородный Сыне…
Антифон 3-й: Услышите сия вси языцы, внушите вси живущии по вселенней. Тропарь: Вознеслся еси во славе, Христе Боже наш…
Земнороднии же и сынове человечестии, вкупе богат и убог. Вознеслся еси…
Уста моя возглаголют премудрость и поучение сердца моего разум. Вознеслся еси…
Приклоню в притчу ухо мое, отверзу в псалтири гадание мое. Вознеслся еси…
Входное: Взыде Бог в воскликновении, Господь во гласе трубне.
Тропарь, Слава, и ныне… Кондак.
Прокимен, гл. 1: Вознесися на небеса, Боже, и по всей земли слава Твоя.
Стих: Готово сердце мое, Боже, готово сердце мое, воспою и пою во славе моей.
Аллилуиа, гл. 2: Взыде Бог в воскликновении, Господь во гласе трубне.
За Достойно, ирмос: Тя, паче ума и словесе, Матерь Божию, в лето Безлетнаго неизреченно рождшую, вернии, единомудренно величаем.
Припев: Величай, душе моя, вознесшагося от земли на небо, Христа Жизнодавца.
Причастен: Взыде Бог в воскликновении, Господь во гласе трубне.
На вечерни Прокимен, гл. 7: Бог наш на небеси и на земли, вся, елика восхоте, сотвори.
Неделя 7-я по Пасхе: святых отец
Тропарь, гл. 8
Препрославлен еси, Христе Боже наш, светила на земли Отцы наши основавый, и теми ко истинней вере вся ны наставивый, Многоблагоутробне, слава Тебе.
Кондак, гл. 8 Апостол проповедание и отец догматы, Церкви едину веру запечатлеша: яже и ризу носящи истины, исткану от еже свыше Богословия, исправляет и славит благочестия великое таинство.
На утрени Прокимен, гл. 6: Господи, воздвигни силу Твою и прииди во еже спасти нас.
На литургии
Прокимен, гл. 4, песнь отцев: Благословен еси, Господи Боже отец наших, и хвально и прославлено имя Твое во веки.
Стих: Яко праведен еси о всех, яже сотворил еси нам.
Аллилуиа, гл. 1: Бог богов Господь глагола, и призва землю от восток солнца до запад.
Причастен: Радуйтеся, праведнии, о Господе: правым подобает похвала.
В субботу все как в субботу мясопустную
Неделя 8-ая по Пасхе Святая пятидесятница
Тропарь, гл. 8
Благословен еси, Христе Боже наш, иже премудры ловцы явлей, ниспослав им Духа Святаго, и теми уловлей вселенную, Человеколюбче, слава Тебе.
Кондак, гл. 8 Егда снисшед языки слия, разделяше языки Вышний; егда же огненныя языки раздаяше, в соединение вся призва, и согласно славим Всесвятаго Духа.
На утрени
Величание: Величаем Тя, Живодавче Христе, и чтем Всесвятаго Духа Твоего, Егоже от Отца послал еси Божественным учеником Твоим.
Прокимен, гл. 4: Дух Твой благий наставит мя на землю праву.
На литургии
Антифон 1-й: Небеса поведают славу Божию, творение же руку Его возвещает твердь. Молитвами Богородицы…
День дни отрыгает глагол, и нощь нощи возвещает разум. Молитвами…
Во всю землю изыде вещание их, и в концы вселенный глаголы их. Молитвами…
Антифон 2-ой: Услышит тя Господь в день печали, защитит тя имя Бога Иаковля. Спаси ны, Утешителю благий, поющия Ти: аллилуиа.
Послет ти помощь от Святаго, и от Сиона заступит тя. Спаси ны, Утешителю благий…
Даст ти Господь по сердцу твоему, и весь совет твой исполнит. Спаси ны, Утешителю…
Слава, и ныне… Единородный Сыне…
Антифон 3-й: Господи, силою Твоею возвеселится царь и о спасении Твоем возрадуется зело. Тропарь: Благословен еси…
Желание сердца его дал еси ему, и хотения устну его неси лишил его. Благословен…
Яко предварил еси его благословением благостынным, положил еси на главе его венец от камене честна. Благословен еси…
Входное: Вознесися, Господи, силою Твоею, воспоем и поем силы Твоя.
Тропарь, Слава, и ныне… Кондак.
Прокимен, гл. 8: Во всю землю изыде вещание их, и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Аллилуиа, гл. 1: Словом Господним небеса утвердпшася, и Духом уст Его вся сила их.
За Достойно, ирмос: Радуйся, Царице, Матеродевственная славо; всяка бо удобообращательная благоглаголивая уста витийствовати не могут Тебе пети достойно; изъумевает же ум всяк Твое рождество разумети: темже Тя согласно славим.
Причастен: Дух Твой благий наставит мя на землю праву.
На вечерни Прокимен, гл. 6: Кто Бог велий, яко Бог наш, Ты еси Бог творяй чудеса.
Понедельник Святого Духа
На литургии
Прокимен, воскр., гл. 6: Спаси, Господи, люди Твоя и благослови достояние Твое.
Аллилуиа, гл. 2: Помилуй мя, Боже, по велицей милости Твоей.
За Достойно: Радуйся, Царице… (как в день Пятидесятницы).
Причастен: Дух Твой благий наставит мя на землю праву.
Неделя 1-ая по Пятидесятнице: Всех Святых
Тропарь: воскресен, гл. 8
Тропарь Святым, гл. 4 Иже во всем мире мученик Твоих, яко багряницею и виссон, кровьми Церковь Твоя украсившися, теми вопиет Ти, Христе Боже: людем Твоим щедроты Твоя ниспосли, мир жительству Твоему даруй и душам нашим велию милость.
Кондак, гл. 8 Яко начатки естества насадителю твари, вселенная приносит Ти, Господи, Богоносныя мученики: тех молитвами в мире глубоце Церковь Твою, жительство Твое, Богородицею соблюди, Многомилостиве.
На утрени Прокимен, гл. 8: Воцарится Господь во век, Бог твой, Сионе, в род ирод.
На литургии
Прокимен, гл. 8: Помолитеся и воздадите Господеви, Богу нашему.
И Святым, гл. 4: Дивен Бог во святых Своих, Бог Израилев.
Аллилуиа, гл. 4: Воззваша праведнии, и Господь услыша их.
Причастен: Хвалите Господа с небес, хвалите Его в вышних.
И другой: Радуйтеся, праведнип, о Господе, правым подобает похвала.
Неделя 2-ая по Пятидесятнице: Всех Святых в земле Российской просиявших
Тропарь: воскресен гласа
РУССКИМ СВЯТЫМ, ГЛ. 8
Якоже плод красный Твоего спасительнаго сеяния, земля Российская приносит Ти, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилостиве.
Кондак, гл. 3 Днесь лик святых, в земли нашей Богу угодивших, предстоит в церкви и невидимо за ны молится Богу: ангели с ним славословят и вси святии Церкве Христовы ему спразднуют: о нас бо молят вси купно Превечнаго Бога.
На утрени Величание: Величаем вас, святии вси, в земли Российстей просиявшии, и чтим святую память вашу, вы бо молите за нас Христа, Бога нашего.
На литургии
Прокимен гласа и святым, гл. 7: Честна пред Господем смерть преподобных Его.
Стих: Что воздам Господеви о всех, яже воздаде ми.
Аллилуиа, гл. 1: Бог даяй отмщение мне, и покоривый люди под мя.
Стих: Величай спасения царева, и творяй милость Христу Своему Давиду, и семени его до века.
Причастен: Хвалите Господа с небес, хвалите Его в вышних.
И Святым: Радуйтеся праведнии о Господе, правым подобает похвала.