На празники Господские, Богородичные и Великих Святых
8 сентября Рождество Пресвятой Богородицы
Тропарь, гл. 4
Рождество Твое, Богородице Дево, радость возвести всей вселенной: из Тебе бо воссия Солнце правды, Христос Бог наш, и разрушив клятву, даде благословение, и упразднив смерть, дарова нам живот вечный.
Кондак, гл. 4 Иоаким и Анна поношения бесчадства, и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.
На утрени
Величание: Величаем Тя, Пресвятая Дево, и чтем святых Твоих родителей, и всеславное славим рождество Твое.
Прокимен, гл. 4: Помяну имя Твое во всяком роде и роде.
На литургии
Прокимен, гл. 3, песнь Богородицы: Величит душа моя Господа, и возрадовася дух мой о Бозе Спасе моем.
Стих: Яко призре на смирение рабы Своея; се бо отныне ублажат мя вси роди.
Аллилуиа, гл. 8: Слыши дщи и виждь, и приклони ухо Твое.
За Достойно, ирмос: Чужде матерем девство, и странно девам деторождение: на Тебе, Богородице, обоя устроишася. Тем Тя вся племена земная непрестанно величаем.
Припев: Величай душе моя от неплодове рождшуюся Деву Марию.
Причастен: Чашу спасения прииму, и имя Господне призову.
14 сентября Всемирное Воздвижение Честного и Животворящего Креста
Тропарь и кондак: как в среду
Величание: Величаем Тя, Живодавче Христе, и чтем Крест Твой святый, имже нас спасл еси от работы вражия.
На утрени
Прокимен, гл. 4: Видеша вси концы земли спасение Бога нашего.
Тропарь поклонения: Кресту Твоему покланяемся, Владыко, и святое воскресение Твое славим.
На литургии
Антифон 1: Боже, Боже мой, вонми ми, векую оставил мя еси. Молитвами Богородицы, Спасе, спаси нас.
Далече от спасения моего словеса грехопадений моих. Молитвами…
Боже мой, воззову во дни, и не услышиши, и в нощи, и не в безумие мне. Молитвами…
Слава, и ныне… Молитвами…
Антифон 2: Векую, Боже, отринул ны еси до конца. Спаси ны, Сыне Божий, плотию распныйся, поющия Ти: аллилуиа.
Помяни сонм Твой, егоже стяжал еси исперва. Спаси…
Гора Сион сия, в нейже вселился еси. Спаси…
Бог же царь наш прежде века, содела спасение посреде земли. Спаси…
Слава, и ныне… Единородный…
Антифон 3: Господь воцарися, да гневаются людие. Тропарь: Спаси, Господи, люди…
Господь воцарися, да гневаются людие: седяй на херувимех, да подвижптся земля. Спаси, Господи, люди Твоя…
Господь в Сионе велик, и высок есть над всеми людьми. Спаси, Господи, люди Твоя…
Поклонитеся Господеви во дворе святем Его. Спаси, Господи…
Входное: Возносите Господа Бога нашего, и покланяйтеся подножию ногу Его, яко свято есть.
Тропарь, Слава, и ныне… Кондак.
Вместо Трисвятаго: Кресту Твоему покланяемся, Владыко, и святое воскресение Твое славим.
Прокимен, гл. 7: Возносите Господа Бога нашего и покланяйтеся подножию ногу Его, яко свято есть.
Стих: Господь воцарися, да гневаются людие.
Аллилуиа, гл. 1: Помяни сонм Твой, егоже стяжал еси исперва.
За Достойно: Величай, душе моя, пречестный Крест Господень.
И ирмос: Таин еси, Богородице, рай, невозделанно возрастивший Христа. Имже крестное живоносное на земли насадися древо. Тем ныне возносиму, покланяющеся Ему, Тя величаем.
Причастен: Знаменася на нас свет лица Твоего.
На вечерни Прокимен великий, гл. 1: Бог наш на небеси и на земли, вся елика восхоте, сотвори.
25 сентября Преподокного Сергия Радонежского, Чудотв
Тропарь, гл. 4
Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениях, бдениях же и пощениях образ быв твоим учеником; темже и вселися в тя Пресвятый Дух. Его же действием светло украшен еси; но яко имея дерзновение ко Святей Троице, поминай стадо, еже собрал еси мудре; и не забудп, яко же обещался еси, посещая чад твоих, Сергие преподобие, отче наш.
Кондак, гл. 8
Христовою любовию уязвився, преподобие, и Тому невозвратным желанием последовав, всякое наслаждение плотское возненавидел еси, и яко солнце отечеству твоему воссиял еси: тем и Христос даром чудес обогати тя. Поминай нас, чтущих пресветлую память твою, да зовем ти: радуйся, Сергие, богомудре.
Прочее из службы преподобному.
1 октября Покров Пресвятой Богородицы
Тропарь, гл. 4
Днесь, благовернии людие, светло празднуем, осеняеми Твоим, Богомати, пришествием, и ко Твоему взирающе пречистому образу, умильно глаголем: покрый нас честным Твоим покровом и избави нас от всякаго зла, молящи Сына Твоего, Христа Бога нашего, спасти души наша.
Кондак, гл. 3
Дева днесь предстоит в церкви и с лики святых невидимо за ны молится Богу: Ангел и со архиереи покланяются, Апостол и же со пророки ликовствуют: нас бо ради молит Богородица превечнаго Бога.
Величание: Величаем Тя, Пресвятая Дево, и чтем Покров Твой честный, Тя бо виде св. Андрей на воздусе, за мир Христу молящуюся.
Пли: Величаем Тя, Пресвятая Дево, Мати Христа Бога нашего, и всеславный славим Покров Твой.
Прочее (кроме Задостойника и Ирмоса) смотри службу 8 сентября.
Задостойник: Величай душе моя честный Покров Божия Матере.
Ирмос: Всяк земнородный да взыграется духом просвещаемь, да торжествует же бесплотных умов естество, почитающее священное торжество Богоматере, и да вопиет: радуйся всеблаженная, Богородице чистая Присно дево.
8 ноября Святого Архистратига Михаила и прочих Бесплотных сил
Тропарь и кондак как в понедельник.
Величание: Величаем вас, Архангели и Ангели и вся воинства, херувими и серафими, славящия Господа.
Прочее см. службу понедельника.
13 ноября Святителя Иоанна Златоустого
Тропарь, гл. 8
Уст твоих якоже светлость огня воссиявши благодать, вселенную просвети: не сребролюбия мирови сокровища сниска, высоту нам смиренномудрия показа, но твоими словесы наказуя, отче Иоанне Златоусте, моли Слова Христа Бога, спастися душам нашим.
Кондак, гл. 6
От небес приял еси Божественную благодать: и твоими устнами вся учиши поклонятися в Троице единому Богу, Иоанне Златоусте всеблаженне, преподобие, достойно хвалим тя: еси бо наставник, яко Божественная являя.
Прочее см. службу святителю.
21 ноября Введение во Храм Пресв. Богородицы
Тропарь, гл. 4
Днесь благоволения Божия предображение, и человеков спасения проповедание, в храме Божии ясно Дева является, и Христа всем предвозвещает: Той и мы велегласно возопиим: радуйся смотрения Зиждителева исполнение.
Кондак, гл. 4 Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящп, яже в Дусе Божественном, Юже воспевают Ангели Божии: Сия есть селение небесное.
На утрени
Величание: Величаем Тя, Пресвятая Дево, Богоизбранная Отроковице, и чтем еже в храм Господень вхождение Твое.
Прокимен, гл. 8: Слыши дщи и виждь, и приклони ухо Твое.
На литургии
За Достойно: Ангели вхождение Пречистыя зряще, удивишася, како Дева вниде во святая святых.
И ирмос: Яко одушевленному Божию кивоту, да никакоже коснется рука скверных, устне же верных Богородице немолчно, глас Ангела воспевающе, с радостью да вопиют: истинно вышши всех еси, Дево чистая.
Иной припев: Величай, душе моя, Приведенную во храм Господень и Благословенную руками иереевыми.
Иной ирмос: Святоносный облак, воньже всех Владыка, яко дождь с небесе на руно сниде, и воплотися нас ради, быв человек, Безначальный, величаем вси яко матерь Бога нашего чистую.
Прочее см. службу Пресв. Богородицы общую.
6 декабря Святителя Николая, Мирликийского Чудотв
Тропарь и кондак см. службу четверга.
На утрени
Величание: Величаем тя, святителю отче Николае, и чтем святую память твою, ты бо молиши за нас Христа Бога нашего.
Прокимен, гл. 4: Честна пред Господем смерть преподобных Его.
На литургии
Прокимен, гл. 7: Возвеселится праведник о Господе, и уповает на Него.
Стих: Услыши, Боже, глас мой, внегда молитимися к Тебе.
Аллилуиа, гл. 4: Священницы Твои облекутся в правду, и преподобнии Твои возрадуются.
Причастен: В память вечную будет праведник, от слуха зла не убоится.
9 декабря Пресдлвное зачатие Пресвятой Богородицы святой Анной
Тропарь, гл. 4
Днесь бесчадия узы разрешаются, Иоакима бо и Анну услышав Бог, паче надежды родити тем яве обещавает Богоотроковицу, из нея же Сам родися неописанный, Человек быв, ангелом повелев вопити ей: радуйся, благодатная, Господь с Тобою.
Кондак, гл. 4 Празднует днесь вселенная Аннино зачатие, бывшее от Бога: ибо та роди паче слова Слово рождшую.
На утрени Прокимен как на литургии.
На литургии
Прокимен, гл. 4: Дивен Бог во святых Своих, Бог Израилев.
Стих: В церквах благословите Бога, Господа от источник Израилевых.
Аллилуиа, гл. 1: Спасение же праведным от Господа, и защититель им есть во время скорби.
Стих: И поможет им Господь, и избавит их, и измет их от грешник, и спасет их, яко уповаша на него.
Причастен: Радуйтеся праведнии о Господе, правым подобает похвала.
Неделя Святых Праотец
Тропарь: воскресен гл. и праотец, гл. 2
Верою Праотцы оправдал еси, от язык теми предобручивый церковь, хвалятся во славе святии, яко от Семене их есть плод благословен, без семене рождшая Тя: тех молитвами, Христе Боже, помилуй нас.
Кондак, гл. 6 Рукописаннаго образа не почетше, но неописанным существом защитившеся, треблаженнии, в подвизе огня прославистеся, среде же пламене нестерпимаго стояще, Бога призвасте: ускори, о Щедрый, и потщися яко Милостив в помощь нашу, яко можеши хотяй.
На утрени Прокимен гласа
На литургии
Прокимен, песнь Отцев, гл. 4: Благословен еси Господи, Боже отец наших, и хвально и прославлено имя Твое во веки.
Стих: Яко праведен еси о всех, яже сотворил еси нам.
Аллилуиа, гл. 4: Моисей и Аарон во иереех Его, и Самуил в призывающих имя Его.
Стих: Призываху Господа и Той послушаше их.
Причастен: Хвалите Господа с небес, хвалите Его в вышних.
И Праотцам: Радуйтеся праведнии о Господе, правым подобает похвала.
Неделя перед Рождеством Христовым Святых Отец
Тропарь, гл. 2
Велия веры исправления, во источнице пламене, яко на воде упокоения, святии трие Отроцы радовахуся, и пророк Даниил львом пастырь яко овцам являшеся: тех молитвами, Христе Боже, спаси души наша.
Кондак, прокимны и причастны как в неделю свв. Праотец (см. предыдущую службу).
Тропарь предпразднества Р. Хр., гл. 4 Написовашеся иногда со старцем Иосифом, яко от Семене Давидова, в Вифлееме Мариам, чревоносящи бессемейное рождение: наста же время рождества, и место ни едино же бе обиталищу: но якоже красная палата, вертеп Царице показашеся. Христос раждается, прежде падший воскресити образ.
Кондак предпразднества, гл. 1 Веселися Вифлееме, Евфрафо, готовися: се бо Агница, Пастыря Великаго во утробе носящи, еже родити тщится: Егоже зряще, Богоноснии Отцы веселятся, с пастырьми поюще Деву доящую.
25 декабря Рождество Христово
Тропарь, гл. 4
Рождество Твое, Христе Боже наш, воссия мирови свет разума: в нем бо звездам служащий звездою учахуся, Тебе кланятися, Солнцу правды, и Тебе ведети с высоты Востока: Господи, слава Тебе.
Кондак, гл. 3 Дева днесь Пресущественнаго раждает, и земля вертеп Неприступному приносит: Ангели с пастырьми славословят, волсви же со звездою путешествуют: нас бо ради родися Отроча младо, превечный Бог.
На утрени
Величание: Величаем Тя, Живодавче Христе, нас ради ныне плотию рождшагося от безневестныя и Пречистыя Девы Марии.
Стихира: Слава в вышних Богу, и на земли мир, днесь восприемлет Вифлеем Седящаго присно со Отцем, днесь Ангели Младенца рожденнаго Боголепно славословят: слава в вышних Богу, и на земли мир, в человецех благоволение.
Прокимен, гл. 4: Из чрева прежде денницы родих Тя, клятся Господь, и не раскается.
На литургии
Антифон 1-ый: Исиовемся Тебе, Господи, всем сердцем моим, повем вся чудеса Твоя. Молитвами Богородицы…
В совете правых и сонме, велия дела Господня. Молитвами Богородицы…
Изысканна во всех волях Его. Молитвами…
Исповедание и великолепие дело Его, и правда Его пребывает во век века. Молитвами…
Слава, и ныне… Молитвами…
Антифон 2-ой: Блажен муж бояйся Господа, в заповедех Его восхощет зело. Спаси ны, Сыне Божий, рождейся от Девы, поющия Ти: Аллилуиа.
Сильно на земли будет семя Его, род правых благословится. Спаси ны…
Слава и богатство в дому Его, и правда Его пребывает во век века. Спаси ны…
Воссия во тьме свет правым, милостив и щедр и праведен. Спаси ны…
Слава, и ныне: Единородный…
Антифон 3-ий\ Рече Господь Господеви моему: седи одесную Мене.
Тропарь: Рождество…
Дондеже положу враги Твоя подножие ног Твоих. Рождество…
Жезл силы послет Ти Господь от Сиона, и господствуй посреде врагов Твоих. Рожд…
С Тобой начало в день силы Твоея, во светлостех святых Твоих. Рождество…
Входное: Из чрева прежде денницы родих Тя, клятся Господь, и не раскается: Ты иерей во век по чину Мелхиседекову.
Тропарь: Рождество…; Слава и ныне: Кондак: Дева…
Вместо Трисвятаго: Елицы во Христа крестистеся, во Христа облекостеся.
Прокимен, гл. 8: Вся земля да поклонится Тебе, и поет Тебе, да поет же имени Твоему, Вышний.
Стих: Воскликните Господеви вся земля, пойте же имени Его, дадите славу хвале Его.
Аллилуиа, гл. 1: Небеса поведают славу Божию, творение же руку Его возвещает твердь.
За Достойно: Таинство странное вижу и преславное: небо — вертеп; престол херувимский — Деву; ясли — вместилище, в нихже возлеже невместимый Христос Бог. Егоже воспевающе величаем.
Причастен: Избавление посла Господь людем Своим.
На вечерни Прокимен великий, гл. 7: Кто Бог велий, яко Бог наш; Ты еси Бог творяй чудеса.
26 декабря Собор Пресвятой Богородицы Тропарь Рождества Христова
Кондак, гл. 6
Иже прежде денницы от Отца без матере родивыйся, на земли без Отца воплотися днесь из Тебе; темже звезда благовествует волхвом, ангелы же с пастырьми поют несказанное Рождество Твое, Благодатная.
На литургии
Прокимен песнь Богородицы, гл. 3: Величит душа моя Господа и возрадовася дух мой о Бозе Спасе моем.
Стих: Яко призре на смирение рабы Своея, се бо отныне ублажат мя вси роди.
Аллилуиа, гл. 8: Воскресни, Господи в покой Твой, Ты и кивот святыни Твоея.
За Достойно: Как на Рождество Хр.
Причастен: Избавление посла Господь людем Своим.
Неделя по Рождестве Христовом Память св. Праведного Иосифа Окручника
Тропарь воскр. гласа и сей, гл. 2
Благовествуй, Иосифе, Давиду чудеса Богоотцу: Деву видел еси рождшую, с пастырьми славословил еси, с волхвы поклонился еси, ангелом весть прием: моли Христа Бога спасти души наша.
Кондак, гл. 3 Веселия днесь Давид исполняется Божественный, Иосиф же хваление со Иаковом приносит: венец бо сродством Христовым приемше радуются, и неизреченно на земли Рождшагося воспевают, и вопиют: Щедре, спасай Тебе чтущия.
На утрени Прокимен гласа
На литургии
Прокимен, гл. 4: Дивен Бог во святых Своих, Бог Израилев.
Стих: В церквах благословите Бога, Господа от источник Израилевых.
Аллилуиа, гл. 4: Помяни, Господи, Давида, и всю кротость его.
Причастен: Хвалите Господа с небес, хвалите Его в вышних. И другой: Радуйтеся праведнии о Господе, правым подобает похвала.
1 января
а) Обрезание Г. Н. Иисуса Христа
Тропарь, гл. 1
На престоле огнезрачнем в вышних седяй со Отцем безначальным и Божественным Твоим Духом, благоволил еси родитися на земли от Отроковицы, неискусомужныя Твоея Матере, Иисусе: сего ради и обрезан был еси, яко человек осмодневный. Слава смотрению Твоему, слава снисхождению Твоему, едине Человеколюбче.
Кондак, гл. 3
Всех Господь обрезание терпит, и человеческия прегрешения, яко Благ, обрезует; дает спасение днесь миру; радуется же в вышних и Создателев иерарх, и светоносный и Божественный таинник Христов Василий.
б) Новый Год (гражданский)
Тропарь, гл. 2
Всея твари Создателю, времена и лета во Своей власти положивый, благослови венец лета благости Твоея, Господи, сохраняя в мире люди и град Твой молитвами Богородицы, и спаси ны.
Кондак, гл. 2
В вышних живый, Христе Царю, всех видимых и невидимых Творче и Зиждителю, иже дни и нощи, времена и лета сотворивый, благослови ныне венец лета, соблюди и сохрани в мире град и люди Твоя, Многомилостиве.
в) Святителя Василия Великого
Тропарь, гл. 1
Во всю землю изыде вещание Твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, моли Христа Бога, спастися душам нашим.
Кондак, гл. 4
Явился еси основание непоколебимое Церкви, подая всем некрадомое господство человеком, запечатлея твоими веленьми небоявленне Василие преподобие.
На утрени
Величание св. Василию общее.
Величание Обрезанию (если храм Обрез.): Величаем Тя, Живодавче Христе, и почитаем пречистыя Плоти Твоея законное обрезание.
Прокимен, гл. 1: Уста моя возглаголют премудрость, и поучение сердца моего разум.
На литургии
Прокимен, гл. 6: Спаси, Господи, люди Твоя, и благослови достояние Твое.
Стих: К Тебе, Господи, воззову, Боже мой, да не премолчиши от мене.
И святому: Уста моя (как на утрени).
Аллилуиа, гл. 8: Пасый Израиля вонми, наставляяй, яко овча, Иосифа.
За Достойно: Яже прежде солнца светильника Бога воссиявшаго, плотски к нам пришедшаго, из боку девичу неизреченно воплотившая, благословенная, всечистая, Тя, Богородице, величаем.
С припевами: Величай, душе моя, по закону плотию обрезавшагося Господа.
И святому: Хвалите Господа с небес, хвалите Его в вышних. И святому: В память вечную будет праведник, от слуха зла не убоится.
Неделя перед Богоявлением
На литургии
Прокимен, гл. 6: Спаси, Господи, люди Твоя и благослови достояние Твое.
Стих: К Тебе, Господи, воззову, Боже мой, да не премолчиши от мене.
Аллилуиа, гл. 8: Боже ущедри ны и благослови ны.
Стих: Просвети лице Твое на ны, и помилуй ны.
Все прочее воскресное гласа.
Тропарь Предпразднества Богоявления, гл. 4 Готовися Завулоне, и красуйся Неффалиме, Иордане реко стани, подими взыграя креститися грядуща Владыку, веселися Адаме с праматерию, не крыйта себе якоже в рай прежде: ибо наги видев вы явися, да облечет в первую одежду, Христос явися, всю тварь хотя обновити.
Кондак Предпразднества, гл. 4 В струях днесь Иорданских быв Господь Иоанну вопиет: не убойся крестити Мя: спасти бо приидох Адама первозданнаго.
6 января Святое Богоявление (Крещение Г. Н. И. X.)
Тропарь, гл. 1
В Иордане крещающуся Тебе Господи, Троическое явися поклонение: Ро дител ев бо глас свидетельствоваше Тебе, возлюбленнаго Тя Сына именуя, и Дух, в виде голубине, извествоваше словесе утверждение: явлейся, Христе Боже, и мир просвещей, слава Тебе.
Кондак, гл. 4 Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси. Свет неприступный.
Тропари перед водоосвящением, гл. 8
Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа.
Днесь вод освящается естество, и разделяется Иордан, и своих вод возвращает струи, Владыку зря крещаема.
Яко человек на реку пришел еси, Христе Царю, и рабское крещение прияти тщишися, Блаже, от Предтечеву руку, грех ради наших, Человеколюбче.
Слава… и ныне: Ко гласу вопиющаго в пустыни, уготовайте путь Господень, пришел еси, Господи, зрак рабий приим, крещения прося, не ведый греха. Видеша Тя воды и убояшася, трепетен бысть Предтеча, и возопи глаголя: како просветит светильник Света: како руку положит раб на Владыку. Освяти мене и воды, Спасе, вземляй мира грех.
На утрени
Величание: Величаем Тя, Живодавче Христе, нас ради ныне плотию крестившагося от Иоанна в водах Иорданских.
Прокимен, гл. 4: Море побеже, Иордан возвратися вспять.
На литургии
Антифон 1-ый: Во исходе Израилеве от Египта, дому Иаковля из людей варвар. Молитвами Богородицы…
Бысть Иудея святыня Его, Израиль область Его. Молитвами…
Море виде и побеже, Иордан возвратися вспять. Молитвами…
Что ти есть, море, яко побегло еси: и тебе, Иордане, яко возвратился еси вспять. Молитвами…
Слава… и ныне… Молитвами…
Антифон 2-ой: Возлюбих, яко услышит Господь глас моления моего. Спаси ны, Сыне Божий, во Иордане крестивыйся, поющия Ти: аллилуиа.
Яко приклони ухо Свое мне, и во дни моя призову. Спаси ны…
Объяша мя болезни смертныя, беды Адовы обретоша мя: скорбь и болезнь обретох, и имя Господне призвах. Спаси ны…
Милостив Господь и праведен, и Бог наш милует. Спаси ны…
Слава… и ныне… Единородный Сыне…
Антифон 3-ий: Исповедайтеся Господеви, яко Благ, яко в век милость Его. Тропарь: Во Иордане…
Да речет убо дом Израилев: яко Благ, яко в век милость Его. Во Иордане…
Да речет убо дом Ааронь: яко Благ, яко в век милость Его. Во Иордане…
Да рекут убо вси боящиися Господа: яко Благ, яко в век милость Его. Во Иордане…
Входное: Благословен грядый во имя Господне, благословихом вы из дому Господня, Бог Господь и явися нам. Тропарь, Слава и ныне… Кондак.
Вместо Трисвятаго: Елицы во Христа крестистеся, во Христа облекостеся.
Прокимен, гл. 4: Благословен грядый во имя Господне, Бог Господь и явися нам.
Стих: Исповедайтеся Господеви, яко Благ, яко в век милость Его.
Аллилуиа, гл. 4: Принесите Господеви сынове Божии, принесите Господеви сыны овни.
За Достойно: Недоумеет всяк язык благохвалити по достоянию, изумевает же ум и премирный пети Тя, Богородице, обаче Благая сущи, веру прппмп, ибо любовь веси Божественную нашу: Ты бо христиан еси Предстательница, Тя величаем.
Причастен: Явися благодать Божия спасительная всем человеком.
На вечерни Прокимен великий, гл. 7: Бог наш на небеси и на земли, вся елика восхоте, сотвори.
30 января Трех Святителей: Василия Великого, Григория Богослова и Иоанна Златоустого Тропарь, гл. 4
Яко Апостолов единонравнии и вселенныя учителие, Владыку всех молите, мир вселенней даровати и душам нашим велию милость.
Кондак, гл. 2 Священныя и Благовещанныя проповедники, верх учителей, Господи, приял еси в наслаждение благих Твоих и упокоение: труды бо онех и смерть приял еси паче всякаго всеплодия. Едине прославляяй святыя Твоя.
На утрени
Величание: Величаем вас, святителие Христовы: Василие Великий, Григорие Богослове и Иоанне Златоусте, и чтем память вашу: вы бо молите за нас Христа Бога нашего.
Прокимен, гл. 4: Священницы Твои облекутся в правду и преподобнии Твои возрадуются.
На литургии
Прокимен, гл. 8: Во всю землю изыде вещание их и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Аллилуиа, гл. 4: Исповедят небеса чудеса Твоя, Господи, ибо истину Твою в церкви святых.
Причастен: Радуйтеся, праведнии, о Господе, правым подобает похвала.
2 февраля Сретение Господа Нашего Иисуса Христа
Тропарь, гл. 1
Радуйся, благодатная Богородице Дево, из Тебе бо воссия Солнце правды, Христос Бог наш, просвещаяй сущия во тме; веселися и ты, старче праведный, приемый во объятия Свободителя душ наших, дарующаго нам воскресение.
Кондак, гл. 1 Утробу Девичу освятивый рождеством Твоим, и руце Симеоне благословивый, якоже подобаше, предварив и ныне спасл еси нас, Христе Боже: но умири во бранех жительство, и укрепи люди, ихже возлюбил еси, едине Человеколюбче.
На утрени
Величание: Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень.
Прокимен, гл. 4: Помяну имя Твое во всяком роде и роде.
На литургии
Входное: Сказа Господь спасение Свое, пред языки откры правду Свою.
Прокимен, песнь Богородицы, гл. 3: Величит душа моя Господа и возрадовася дух мой о Бозе Спасе моем.
Аллилуиа, гл. 8: Ныне отпущаеши раба Твоего, Владыко, по глаголу Твоему с миром.
За Достойно: Ирмос: В законе сени и писаний образ видим вернии, всяк мужеский пол ложесна разверзая, свят Богу, Тем перворожденное Слово, Отца безначальна, Сына первородящася Материю неискусомужно, величаем. С припевами: Богородице Дево, упование христианом, покрый, соблюди и спаси на Тя уповающих.
Причастен: Чашу спасения прииму и имя Господне призову.
25 марта Благовещение Пресвятой Богородицы
Тропарь, гл. 4
Днесь спасения нашего главизна, и еже от века таинства явление, Сын Божий Сын Девы бывает, и Гавриил благодать благовествует. Тем-же и мы с ним Богородице возопиим: радуйся благодатная, Господь с Тобою.
Кондак, гл. 8 Взбранной Воеводе победительная, яко избавльшеся от злых, благодарственная восписуем Ти раби Твои, Богородице: но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
На утрени
Величание: Архангельский глас вопием Ти, Чистая: радуйся благодатная, Господь с Тобою.
Прокимен как на литургии.
На литургии
Прокимен, гл. 4: Благовестите день от дне спасение Бога нашего.
Стих: Воспойте Господеви песнь нову, воспойте Господеви вся земля.
Аллилуиа, гл. 1: Снидет яко дождь на руно и яко капля, каплющая на землю.
За Достойно: Благовествуй земле радость велию, хвалите небеса Божию славу.
И ирмос: Яко одушевленному Божию кивоту, да никакоже коснется рука скверных. Устне же верных Богородице немолчно, глас ангела воспевающе, с радостию да вопиют: Радуйся благодатная, Господь с Тобою.
Причастен: Избра Господь Сиона, и изволи его в жилище Себе.
23 апреля Св. Великомуч. Георгия Победоносца
Тропарь, гл. 4
Подвигом добрым подвизался еси, Страстотерпче Христов, верою и мучителей обличил еси нечестие, жертва же благоприятна Богу принеслся еси; темже и венец приял еси победы, и молитвами Святе твоими всем подаеши прегрешений прощение.
Кондак, гл. 4
Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси; и молитвами Святе твоими всем подаеши прегрешений прощение.
Прочее: общее мученику.
9 мая Перенес, мощей Свят. и Чудотв. Николая
Тропарь, гл. 4
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей святителя и чудотворца Николая, якоже солнце незаходимое воссия светозарными лучами, и разгоняя тьму искушений же и бед от вопиющих верно: спасай нас, яко предстатель наш, великий Николае.
Кондак, гл. 3
Взыде, яко звезда от востока до запада, твоя мощи, святителю Николае, море же освятися шествием твоим, и град Барский приемля тобою благодать: нас бо деля явился еси чудотворец изящный, предивный и милостивый.
Прочее см. 6 декабря.
11 мая Свв. Равноапостольных Мефодия и Кирилла, учителей словенских
Тропарь, гл. 4
Яко Апостолом единонравнии и Словенских стран учителие, Кирилле и Мефодие Богомудрии, Владыку всех молите, вся языки Словенския утвердити в православии и единомыслии, умирити мир и спасти души наша.
Кондак, гл. 2
Священную двоицу, просветителей наших почтим, Божественных писаний преложением источник Богопознания нам источивших, из него же даже до днесь неоскудно почерпающе, ублажаем вас, Кирилле и Мефодие, Престолу Вышняго предстоящих и тепле молящихся о душах наших.
Величание: Величаем вас, святии равноапостольнии Мефодие и Кирилле, вся Словенския страны ученьми своими просветившия и ко Христу приведшия.
Прочее: Святителям общее.
24 июня Рождество св. Иоанна Предтечи Тропарь, гл. 4 Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.
Кондак, гл. 3 Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на сего во Иордане руку положив, явися Божия Слова пророк, проповедник вкупе и Предтеча.
На утрени
Величание: Величаем тя Предтече Спасов Иоанне, и чтем еже от неплодове преславное рождество Твое.
Прокимен, гл. 4: И ты, отроча, пророк Вышняго наречешися.
На литургии
Прокимен, гл. 7: Возвеселится праведник о Господе, и уповает на Него.
Стих: Услыши, Боже, глас мой, внегда молитимися к Тебе.
Аллилуиа, гл. 1: Благословен Господь Бог Израилев, яко посети и сотвори избавление людем Своим.
Причастен: В память вечную будет праведник, от слуха зла не убоится.
29 июня Gвв. Первоверховных Апостолов Петра и Павла
Тропарь, гл. 4
Апостолов первопрестольницы и вселенныя учителие, Владыку всех молите, мир вселенней даровати, и душам нашим велию милость.
Кондак, гл. 2
Твердыя и Боговещанныя проповедатели, верх Апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная.
Величание: Величаем вас, Апостоли Христовы, Петре и Павле, весь мир ученьми своими просветившия, и вся концы ко Христу приведшия.
Прочее: общее апостолам.
15 июля Св. Равноапостольного В. Кн. Владимира
Тропарь, гл. 4
Уподобился еси купцу, ищущему добраго бисера, славнодержавный Владимире, на высоте стола седя матере градов, Богоспасаемаго
Киева, испытуя же и посылая к Царскому Граду уведети православную веру, и обрел еси бесценный бисер, Христа, избравшаго тя, яко втораго Павла, и оттрясшаго слепоту во святей купели, душевную вкупе и телесную. Темже празднуем твое успение, людие твои суще: моли спастися державы нашея начальником и множеству владомых.
Кондак, гл. 8 Подобствовав великому Апостолу Павлу в сединах, всеславне Владимире, вся, яко младенческая мудрования, яже о идолех тщания оставль, яко муж совершенный, украсился еси Божественнаго крещения багряницею: и ныне Спасу Христу в веселии предстоя, моли спастися державы нашея начальником и множеству владомых.
На утрени
Величание: Величаем Тя, святый равноапостольный княже Владимире, и чтем святую память твою, идолы поправшаго и вся Российския люди святым крещением просветившаго.
Прокимен, гл. 4: Вознесох избраннаго от людей моих.
На литургии
Прокимен, гл. 3: Пойте Богу нашему, пойте; пойте Цареви нашему, пойте.
Стих: Вси языцы восплещите рукама, воскликните Богу гласом радования.
Аллилуиа, гл. 6: Вознесох избраннаго от людей Моих.
Причастен: В память вечную будет праведник, от слуха зла не убоится.
20 июля Святого славного пророка Илии
Тропарь, гл. 4
Во плоти Ангел, пророков основание, вторый предтеча пришествия Христова, Илия славный, свыше пославый Елисееви благодать недуги отгоняти и прокаженныя очищати, темже и почитающим его точит исцеления.
Кондак, гл. 2
Пророче и провидче великих дел Бога нашего, Илие великоимените, вещанием Твоим уставивый водоточныя об л аки, моли о нас единаго Человеколюбца.
Величание: Величаем Тя, пророче Илие славне, и почитаем еже на небеса с плотию огненное восхождение Твое.
Прочее: общее пророкам.
1 августа Происхождение Честных Древ Честного и Животворящего Креста
Смотри 14 сентября: ВОЗДВИЖЕНИЕ.
6 августа Преокрджение Г. Н. Иисуса Христа
Тропарь, гл. 7
Преобразился еси на горе, Христе Боже, показавый учеником Твоим славу Твою, якоже можаху, да воссияет и нам грешным свет Твой присносущный, молитвами Богородицы, Светодавче, слава Тебе.
Кондак, гл. 8 На горе преобразился еси, и якоже вмещаху ученицы Твои, славу Твою, Христе Боже, видеша: да егда Тя узрят распинаема, страдание уразумеют вольное, мирови же проповедят: яко Ты еси воистинну Отчее сияние.
На утрени
Величание: Величаем Тя, Живодавче Христе, и почитаем пречистыя плоти Твоея преславное преображение.
Прокимен, гл. 4: Фавор и Ермон о имене Твоем возрадуется.
На литургии
Антифон 1-ый: Воскликните Господеви вся земля, пойте же имени Его, дадите славу хвале Его. Молитвами Богородицы…
Глас грома Твоего в колеси, осветиша молния Твоя вселенную, иодвижеся и трепетна бысть земля. Молитвами…
Во исповедание и в велелепоту облеклся еси, одеяйся светом яко ризою. Молитвами…
Слава… и ныне… Молитвами…
Антифон 2-ой: Горы Сионския, ребра северова, град Царя великаго. Спаси ны, Сыне Божий, преобразивыйся на горе, поющия Ти: аллилуиа.
И введе я в гору святыни Своея, гору сию, юже стяжа десница Его. Спаси ны…
Гору Сионю, юже возлюби, и созда яко единорога святилище Свое. Спаси ны…
Слава… и ныне… Единородный…
Антифон 3-ий: Надеющийся на Господа, яко гора Сион не подвижится во век. Тропарь: Преобразился еси…
Горы окрест его, и Господь окрест людей Своих от ныне и до века. Преобразился…
Господи, кто обитает в жилищи Твоем, или кто вселится во святую гору Твою. Преобразился еси…
Кто взыдет на гору Господню, или кто станет на месте святем Его. Преобразился…
Входное: Господи, поели свет Твой и истину Твою, та мя настависта и введоста мя в гору святую Твою. Тропарь, Слава… и ныне… Кондак.
Прокимен, гл. 4: Яко возвеличишася дела Твоя, Господи, вся премудростию сотворил еси.
Стих: Благослови, душе моя Господа. Господи, Боже мой, возвеличился еси зело.
За Достойно: Величай, душе моя, на Фаворе преобразившагося Господа; и Ирмос: Рождество Твое нетленно явися: Бог из боку Твоего пройде, яко плотоносец явися на земли, и с человеки поживе. Тя, Богородице, тем вси величаем.
Причастен: Господи, во свете лица Твоего пойдем, и о имени Твоем возрадуемся во веки.
На вечерни Прокимен, гл. 7: Бог наш на небесн и на земли, вся, елика восхоте, сотвори.
15 августа Успение Пресвятой Богородицы
Тропарь, гл. 1
В рождестве девство сохранила еси, во успении мира не оставила еси, Богородице; преставилася еси к животу, Мати сущи Живота, и молитвами Твоими избавляеши от смерти души наша.
Кондак, гл. 2
В молитвах неусыпающую Богородицу и в предстательствах непреложное упование, гроб и умерщвление не удержаста: якоже бо Живота Матерь к животу престави во утробу Вселивыйся присно девственную.
Величание: Величаем Тя, пренепорочная Мати Христа, Бога нашего, и всеславное славим успение Твое.
Прочая служба как 8 сентября.
За Достойно: Ангели успение Пречистыя видевше удивишася, како Дева восходит от земли на небо; и Ирмос: Побеждаются естества уставы в Тебе, Дево чистая: девствует бо рождество, и живот предобручает смерть: по рождестве Дева, и по смерти жива, спасаеши присно, Богородице, наследие Твое. Или: Величай, душе моя, от земли на небо честное преставление Божия Матере; и Ирмос: Всяк земнородный да взыграется духом…
29 августа Усекновение главы Иоанна Предтечи
Тропарь, гл. 2
Память праведнаго с похвалами тебе же довлеет свидетельство Господне, Предтече: показал бо ся еси воистинну и пророков чеснейший, яко и в струях крестити сподобился еси Проповеданнаго. Тем-же за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость.
Кондак, гл. 5 Предтечево славное усекновение, смотрение бысть некое Божественное, да и сущим во аде Спасово проповесть пришествие. Да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.
На утрени
Величание: Величаем тя, крестителю Спасов, Иоанне, и почитаем вси честныя твоея главы усекновение.
Прокимен, гл. 4: Честна пред Господем смерть преподобных Его.
На литургии
Прокимен, гл. 7: Возвеселится праведник о Господе, и уповает на Него.
Стих: Услыши, Боже, глас мой, внегда молитимися к Тебе.
Аллилуиа, гл. 4: Праведник яко финике процветет, яко кедр, иже в Ливане, умножится.
Причастен: В память вечную будет праведник, от слуха зла не убоится.