Аще муж сам того не творит что в сей книге[5] писано, и жены не учит, ни чад, ни домочадцев своих, ни слуг, и дом свой не по Бозе строит, и о своей душе и людей своих не радит[6], по сему писанию не учит, и он сам ся погубит[7] в сий век и в будущий, и дом свой[8] и прочих с собою. Аще ли добрый муж о своем спасении радит, и жену и чад своих наказует, також и слуг[9] своих наказует и учит всякому страху Божию[10], и законному христианскому жительству, яко же[11] писано, и он вкупе со всеми по благоденьстве по Бозе жизнь свою проводит и милость Божию получит.