Публикуемые ниже произведения связаны с острейшей полемикой в старообрядческой среде по вопросу о самосожжениях. Во-первых, это труд известного старообрядческого автора, выговского уставщика Петра Прокопьева, одного из наиболее известных лиц в истории первых лет старой веры на Руси. Его произведение является наиболее заметным и хорошо аргументированным сочинением, написанным в защиту самосожжений. В письме приведены многочисленные примеры разнообразных способов самоубийств, использованных первыми христианами, которые в дальнейшем были канонизированы. К сожалению, письмо Прокопьева до настоящего времени не получило широкой известности среди исследователей истории старообрядчества. Между тем в старообрядческой среде оно имело определенное распространение, было включено в состав объемистого старообрядческого рукописного сборника. В настоящее время этот сборник хранится в Основном собрании рукописных книг (ОСРК) Российской национальной библиотеки. Анализ данного произведения и краткие сведения о его авторе и адресате представлены выше на страницах данной работы.

Во-вторых, это авторское краткое изложение «Отразительного писания о новоизобретенном пути самоубийственных смертей», написанного старообрядцем Евфросином в конце XVII в., после ряда крупных самосожжений в разных частях страны. Как известно, старообрядческий автор написал пространное произведение, в котором во всех подробностях изложил многочисленные факты из жизни самосожигателей и их жертв, а также свои собственные рассуждения об «огненной смерти». «Отразительное писание», являющееся ценным историческим источником, активно используется мной для изучения причин и обстоятельств множества «гарей». Кроме того, им же был написан краткий текст, содержащий основные идеи «Отразительного писания» в максимально сокращенном виде. Этот текст приведен в данном приложении. В нем описаны обстоятельства дискуссий со старообрядцами-сторонниками и организаторами «гарей», а также произошедшие во время этих споров досадные недоразумения, побудившие Евфросина взяться за перо. Здесь же изложены основные аргументы из Священного Писания и богословских трудов, призванные опровергнуть доводы самосожигателей. Завершается труд Евфросина страстным призывом навсегда прекратить самосожжения. Труд Евфросина, опубликованный в конце XIX в., известен немного лучше, чем письмо Петра Прокопьева, но и он, как множество других ценных источников по истории старообрядчества, стал в настоящее время библиографической редкостью. Все это побудило меня опубликовать оба эти источника, дающие целостное представление о накале страстей в старообрядческой среде по поводу продолжающихся многочисленных самосожжений.

А. Письмо Даниилу Викулову от Петра Прокопьева

Отдел рукописей Российской национальной библиотеки. ОСРК. Q XVII. № 200

/л. 241/ Христова стада словесных овец истинному учителю и пастырю Даниилу Викуличю, того же общежительства грешный и непотребный скаредник Петр Прокопиев. Возвещаю тебе сим моим писанием и известую перед Богом нашим Исусом Христом сем, еже попроша еси совета от нашего убожества, яко сей путь спасительный и богоугодный, еже во время нужды благочестия ради нашея христианския веры от гонителей себе смерти предати, во огнь или в воду или ино никако, паче с немощными сиротами и престарелыми и маловозрастные отрочаты, не могущими никамо укрытися, ниже от мучительских рук страдания и томления терпети боящежеся паче смерти телесныя от Господа нашего отступления и душевныя и вечно пребывающия смерти. Еже какобы от любви Божия благочестивыя нашея христианския веры не отпасти. Яко же древле святии во времена мучительныя, любве ради христовы и благочестивыя ради нашея веры пострадаша. Изволяху себе смерть паче, чем окаянный живот во отпадении от любви Божия пожити, якоже нам возвещают божественныя книги. Сентября в четвертый день в житии священномученика Анфима епископа Никомидийского пишем: в то же время и тягчайшей скорби христианом вещь прилучися сицева: неведомо откуду зажигошася палаты царския, и велика часть их згоре, еже злочестивыя на нас, христиан, возопиша, глаголющее, яко христиане от ненависти запалиша. Тогда ярость царева распалися зело и паче зверя люта возрыка, пожирая христианы, их же велия громады мечами посяцаемы бяху, книги огнем зжигаеми, но и сами от верних мнози христовою любовью зажегшеся, яко в некую прохладу во огнь себе вметаху. Октября в пятый день в пролозе пишет: святыя мученицы Домнины и дщерей ея Виринеи и Проскудии. Сии жены божественною ревностью подвигшеся и оставляше домы и сродствия в землю чюжду приидоша и тако бежавше достигоша Едес и тако ходящии там внезапу ста муж и отец воины же имуще и зачалу вратом доспеваше и яша я и доидоша в Ериполь, река же течаше путем им же идяху, они же утаишаяся от воин ядущим им хлеб и, молитвы сотворивше, наскоре внидоша в реку и тако оставиша себе вдашася струям водным и тако скончашася. Разсудите яко любве ради Христовы лучше есть водою утопитися, нежели беззаконным в руки вдатися.

Марта на КД (24) день в прологе святыя мученицы Дросиды дщери Троиана царя тако пишет: Такому же повелению изшедшу, и слышавше сия раба Божия Дросида, яко каждо от христиан веры ради и любви христовы вревают сами себе в пещь, и прочее чти, иже да тамо смотри пространнее. Месяца августа в первый день о Макавеох и матери их Соломонии, пишет на концы слова сице: матери же их Соломония, понеже скончавшихся онех виде и, не стерпевши рук человеческих нападания, помолившися, и в разжегшуюся сковороду себе верже, и тако Богу дух предаде. Октября в КД (24) день в житии святого мученика Арефы повествует, како младенец из рук жидовина исторшеся, и во огнь скочи к матери своей. Спаситель глаголет: и бысть мати с сыном жертва и всесожжение благословенно Богови. Слава Богу, умудрившему тако малого младенца.

В Книге Царственной поведает сице: рязанская княгиня благоверия ради с сыном своим Федором заразилася об землю с высокого крыльца от Батыя царя. И не точию благоверия ради мнози сице пострадаху, но и целомудрия ради и чистоты: немали себе смерти предаша, изволяюще умерети паче, нежели церковь тела своего осквернити, их же церковь Божия приемлет и прославляет, якоже поведают нам священныя книги. Октября в ЕI (15) день, в житии Лукияна презвитера Великия Антиохии пишет: глаголю же, яко некая девица, именем Пелагия, ученица Лукианова, егда веры ради христовы на мучение бысть сыскана, боящися да не насиловано будет девство ея, скочи с высокого окна, и падши разбися и умре, яже вернии с мученики почитоша.

В Зерцале Великом пишет, како Софрония, жена старосты римского, сама ся зареза; иже не хотящи к скверному смешению Максентию царю приити. Преподобный Мартиниан, о нем же в житии его являет февраля в ГI (13) день хотящи жена ево прелстити к смешению скверному: сам принес хворостия и огонь вжег и вниде во пламень и толико сгоре, яко едва в долзе времени возможе исцелитися и позже от места своего является и на камени посреди моря нача жити. Во един же дни виде диавол на море корабль пловущ, в нем же бяху мужи и жены, востави ветр и бурю на корабль той и прирозна ево к некоему каменю и разби того, и вся бывшия в корабли истопи. Едина же отроковица возможе похватити доску и приплове на ней к каменю оному, на нем же седяще блаженный Мартиниан, и емшися девица та за камень, начав взывати: «помилуй мя, рабе Божий, и не остави мя погибнути в глубине сей!». Блаженный же видя ю, яко не имать ниоткуду спасения, ослабися рече и се кознество бесовския неприязни есть, но не имаши победити предположения моево диаволеи помышляше в себе же: увы мя грешному, яко паки искушение души моей предста; что сотворю: аще не подам ей руку и не изведу из воды, то утонет, и будет грех на души моей, яко убийца ей буду. Аще же изведу ю, то невозможно зде мне с нею пребывати. Воистину лютейшая ми есть сия беда и напасть паче первыя: от оноя боя же на земли мощно бежать бяше, от сия несть где избегнути, понеже едино есть точию сие малое место среди вод и невозможно беды сия избежати. Также простер руце на небо и рече: «Господи, не остави мене погибнути, на полезное души моей устрой!». И сия рек подаде ей руку и изведе ю красну сущу. Глагола к ней: «воистину невместно бытии сену с огнем вкупе. Буди убо ты зде и не бойся, имаши хлеб и воду, яко же аз и имать тебе довлети, дондеже корабленик приидет здесь, иже хлеб и воду приносят, аще бо два месяца есть до того времени, внеже оной придет семо. Поведай же ему случившуюся вещь, и той изведет тя отсюду». Сия рек святой, ознаменовал море крестным знамением, глаголя: «Господи Исусе Христе, запретивый морю и ветром послушающим тебе с трепетом, призри на мя и помилуй мя и не остави мене погибнути, ибо во имя твое ввергуся в море. Лучше бо ми есть в воде умерети, нежели страстью телесной прилепитися», и обращся к девицы рече: «спасися, девице, Бог да сохранит душу твою от всех вражеских наветов и соблюдет тя до конца», то рек ввершеся в море. Преподобный Иоанникий, о коем же в житии ево повесть ноября в Д (4) день, увезя некую девицу в монастыри женстем, зело палиму /л. 243/ блудною страстию и уже хотящу иночество оставити и сочетатися мужу. Помолися о ней святой, да избавится от страсти тоя лютыя, вся же брань на него прийдет, еже бысть, нападе бо вся напасть она на святого, он же терпяше крепко трудя плоть свою великими подвиги. И обрете же негде змия страшна в расселине земной гнездящися и умысли вдати ему себя в снедь, изволяя умрети паче неже соизволяти нечистым мыслям осквернити чистое тело свое. И ввершеся змею да снеден будет от него.

Преподобный Иоанн Лествичник в слове EI (15) своея книги, поучая от жен удалитися, глаголет: аще ли за еже скудни потреб есмы, беседовати с ними понуждаемся. Да изволим паче гладом умрети, нежели от жен питатися. Хощем бо Богу умертвены быти. Сущии бо, рече, во плоти Богу угодити не могут. Той бо самый тесный и скорбный путь, заповеда, ведущ во Царство Небесное. Хотяй же жити в мире сем, погубит себе от жизни истинныя. Преподобный Илларион в слове своем к брату некоему в пустыни сущему, глаголет: аще и гладом случитися умерети, да не изыдеши: не на сытость бо мира изшел еси, но на искание вечных благ. И сия убо вся и множайша сих ищай, трудолюбец, в божественном писании обрящет, яко не точию благочестия ради, но и целомудрия ради не хотящее себе осквернити, на смерть сами ся предаяху, ведяще апостолом реченное, аще кто храм Божий растлит, растлит того Бог. Храм Божий есте свят.

Но речет ли кто, яко смотрителные сия образы, еже благоверия ради себе смерти предаша мнози святые в древних временах: а ныне сему не достоит быти. К сему же ныне рекше бытии отвещаем, не от себя, но от божественных писаний. Яко вправду смотрительныя сия и временныя образы. Но обаче в божественных писаниях похваленныя, и церковью Божию свидетельствованныя и воспеваемыя, и святые и праведнии, и Богу сия сотворивши угодни. И есть ли где в божественном писании запрещено о сих, и который собор отверже таковая, и кто от святых возбрани сему быти. Но поищеши и не обрящеши, еже святии похвалиша их страдание и в церковныя книги написаша, к впредь будущим родам. /л. 243 об./ И тако по свидетельству святых и всем, еже в гонении не могущу нигде укрытися, храня благочестие. Наипаче же с немощными и престарелыми и маловозрастными, не могущими ни бежати, ниже терпети мучения, Боящежеся от Господа нашего отступления и от христианской веры отпадения и вечной гибели душам своим.

Аще кто пострадает, такожде и гонителем нашедшим себе смерти предать Христа ради, во огнь или в воду или инако никако по разуму и ревности древних оных вышеписанных святых венцем и похвалам сподобится от общего всех преведных Судии, Владыки и Бога. За него же умре, якоже и древлее святыи. Сице убо мы глаголем о сих со святыми отцы, яко крепко и мужественно ставших и за правоверие крови своя пролиявших, от еретик замученных; похваляем и сих, иже благочестия же ради от гонительския нужды себе смерти предающих не отмещем, но со иже во христианстве умершими, но сохранившими невредно благочестие, поминаем; и о себе молим, да сподобят и нас благи святую веру целу и непримесну всякие ереси, с добрыми детелми соблюсти и за ню умерети, и бегати и крытися в горах и пещерах, различными нуждами и скорбми Христа ради себе томящих.

Краткое изложение «Отразительного писания о новоизобретенном пути самоубийственных смертей»

Опубликовано: Хр. Лопарев. Вновь найденный старообрядческий трактат против самосожжений 1691 года. СПб., 1895. С. 108–114

Вкратце, скорости ради и удобопостижного узнания, в малых словесех объемлется много разум и пространного о самосожжении отразительного писания в малых сих слозех вся сила вместися, и не улучившим великия почести и лежащим в нем уведати, да прочтет сие малое, и узнает совершение, на учителей осуждение, на правителей искрививших обличение, на иже потом после сего всего о Христе малого Христова стада соглашения хотящих дерзнути, самоубиением погубити себе, конечное со отречением христианства, яко гнилым удовом от Церкви Христовы, сиречь от закона Божия отгнание и отчюждение, жесточаши же ответ, яко стрела язвит, бусорманскую дерзость от прелщеных воспящает; иже помрачившееся умом, церкви ограбя, святыя иконы и божественныя книги с собою окаяннии окаянно сожигают, таковых се слово со иконоборцы сечет, яко мечем, нещадно, в необратное отвращение отсече и отрече в разнебытие самосожжение, во веки аминь.

Овая убо от вещей обдержна, ова же смотрителна, яково же и о мучении: ятым убо бывшим обличати и биеном терпети и даже до смерти стояти; се есть законно и обдержно; а иже нецыи не законно пострадаша и оправдашася, яко же и Домнина мученица с двема дщерма – в водах утопишася, из мучительских рук ушедше, и оправдании быша, но законно и обдержное неблазненно и непоколебимо, яко камень, а смотрителное соблазненно и двоемысленно и ненадежно. Никто никогда не соблазнится о законно пострадавшем, но без сомнения всяк верный исповесть с дерзновением, яко мученик есть; о смотретелном же колеблется помысль: никогда же законное не бесчестится никакими бесчинствы; смотрителное же, по Никона Черныя горы свидетельству, начинается добрыми изветы, окончение же доходит в прелесть. Се бо зрим в писании: до Христа – пророцы, по Христе – апостоли, также мученик бесчисленное множество страдаша. И не поведает Писание, яко бы было сомнение о них, яко добро ли соделаша, яко за Христа пострадаша, но извещевахуся в душах вси, яко добро, понеже всечинно и подобно. Егда же Домнина вержеся, Георгий списатель мних Кринницы: яко бысть сомнение, рече между верными: нарекут ли ся в мученицех? – по тому и у нас на Руси сотворится. Егда наста от Никона гонение за искажение старого благочестия, нецыи доблественныи обретошася от священник и инок и от мирян благочестивых, начаша обличати и за страдати; мнози даже и до смерти подвизашася, – все добро и ничто же сомнително. Егда же в Понизовых странах, по Волге и в Везниках от староверцев, от неискусных писанием простолюдинов изобретеся путь, нареченной от них самоволное мученичество, еже первое в ямах и в пустых хороминах уморяти неких начинали гладом учители; потом простреся во множество ревнителей: уже начаша и сами себе купами великими скопяся зело препростии поселяне, мужие с женами и з детьми, в овинах и в хороминах же зажигатися сами. Сему же поревнова и поп Семен и в Пошехоньи благословил и понудил згореть многих; нецыи поведают: четыре тысячи, инии же яко и пять тысящ бе. Романову же поревнова все Поморие: в Каргополским уезде и около Онега множество погоре, – сами пожгошася, а изветом начася добрым, на Домнину, яко на образ, зря, бутто тому ревнуя, что скорая смерть с верою Христовою, а законного страдания якобы не претерпети пыток и отступити страшно, а после де уже покорения нужно исправление. И тот извет добр, да не в добро пришел Никон преподобный о смотрителных: аще де некия отцы и сотвориша необдержная, яко же уродство и прочая таковая, ныне же отрекоша, рече, да не будет таковая, вреда ради приходящего от них зело у нас; от извета добраго начнеши, самосожигатели приидоша во вреды не малыя, противныя благочестию. Се же их смутство: начаша отцы детей, мужие жен поневоляти и бив и муча в огне с собою сожигати. Еще же от смутства и множественного скопа и смесу обоего роду процветоша не малыи греховныя соблазны, а еже всех страшнее таковая обретеся дерзость, паче же лютая прелесть: церкви Божия старинныя самыя грабя, иконы же и книги пограбя, в огонь нося, то в другия церкви и в тех в церквах сами себе, книги же и икону с собою сожигаху, еже зело мерско и благочестию ненавистно: ересь бо сия Лва царя Исаврянина: онь бо церковь во Царе граде со иконами и три тмы и три тысечи книг сожжек. Ко указанию же Домнины со двема дощерма подоспе писмо Аввакума протопопа страдалца, а то писмо расплодил во всю Русскую землю Сергий, ученик Аввакума отца, да Поликарп Романовец, и то письмо Аввакумово сотвори в них дерзновение к погорению паче древних образцов Домнины и Софронии, яко велик муж и страдалец. Тому люди поверя, многие погорели. Изыскано же накрепко – обретеся, яко отец Аввакум со страдалцы и со юзники о том не думал и не советовал, но ему одному так рассудилось. А Сергий, ученик ево, видя беду и нелепоту в самосожигателех и бесчиние и нестроение слыша, зазре сам себе и раскаяся рек: аз де виновен вопросом своим – протопопову ответу слишком возвестих беду и не так сказал есми, что сами самоволно збираются и беду на себя накликают; но поведах, яко от рук мучителских урываются и сожигаются. За обретшее же ся несогласие к закону самосожигателей, по совету и по благословению своих отец и братии, Мина инок послан к Онуфрию, отцем началнику, понеже их место прославися между всеми верными, правителством, чтобы он Онуфрий, когда правитель исправил бы развращенная и со своими отцы и братиею пособоровал и отписал соборное послание, – и везде и повсюду возбранили бы самосожигание. Онофрий же преж пропущал о себе славу в люди, бутто бы не любит и не потакает саможжения. Мину же посланника тогда презре, не вемы почто, толко и извету сказал: не верим де, что ты послан, но своеволничаешь и плутаешь, – и отосла ево з бесчестием. Прииде же Мина к нам и поведа всю свою печаль з горкими слезами: во странах их самосожигателей дерзость и бесчиние и многих душ безгодное погубление, жесточае же скорбя об Онуфриевом презрении, и от кого де было видети свет, оттуду тма возникает и от правителей кривление начинает. Мы же о Христе сошедшеся, побеседовав и подумав, не добро вменихом быти, правду презирати и закон Божий оставити, несмысленным попирати и церковь Божию дерзающим поругати, Минину ревность похваля и сами возревновахом, писание начертав о правде, с ним послахом. И четшии сие послание, ведят в нем лежащую правду. Той же Мина несе то писание к своим отцем, ревнуя же о правде, труда не щадить. Отцы же, видя ево благое произволение, отпустиша ево еще ко Онуфрию еще просити исправления самосожжения искривлению, чтоб он пожаловал, писание дал и дер зновение и губительство остановил. А понеже Онуфрей, отревая ево завет, сказал: своевольничаешь де, а не отцы тебя послали, того ради на свидетелство истине послаша с ним брата своево, инока Галактиона слепова. По свидетелству же тово Галактиона слепова, хотел Анофрей уже безо всякова переводу дати писание отразителное, самосожигателного толку. Егда же Поликарп и Иван Григорьев пришли, развратился Анофрей. Увы слепоты и помрачения! Сих ли правителми наречем? И ино губители, а не учители, на малых ласкателей дружбу, закон Христов и все християнство продал и не дал письма Мине и Галактиону доброва и известново, какое хотел дать до приходу развратников законной правде, Поликарпа с товарищы, но уже дал писмецо маленкое и легонкое: сперва написал было сам Анофрей зело хорошо, как у нево ум о сей правде належит, самосожжение до конца от церкви отсекая. Егда же оне мигатели приидоша, и то доброе писание премигаша. Увы малоумия правителева! От сицевых ли закону правитися? Малыми и худыми и непотребными словесы ласкателей уласкал и всю правду опять под ноги бросил! И от ково было замыкать, тому и ключи в руки: тово подьячева многой правде рассказителя, и писать заставил, как он знает! И он написал гладенко, а их виновному делу легонко. Мы же их кривое правителство презирая, о Христе же правду созирая, да не возносит Анофрей с ласкателми брови. Аще оне развращаются, может церковь Христова и без них управлятися. Веруем рекшему: Аз есмь с вами вся дни до скончания века, блюдущее же вся прещения, яко всяк, рече, не по писанию веруяй, еретик есть о имени Господни. От святого, праваго, истиннаго, законнаго писания утвердившеся, износим отвещание на новоизобретенное и новонареченное мученичество, самосожигателное убийство, понеже изыкано бысть доволно и обретеся много, яко несть добро христианом самем себе убивати: в беседе евангельской 13 Златоуст рече: яко диаволское дело еже самем себе убивати и оного полка, сиречь сатанинского; а Феофилакт в повседневном в 13-м от Иоанна зачале такожде: бесовское, рече, а не Божие дело еже самому себе убивати; на Павлова же послании в 14 тех Златоуст до конца отрицает самоубийственных смертей и дерзнувших пагубой осуждает. Евсевий иже Самосадский о Филиниде поведа соборное изложение, яко сам себе убить, да еще и в мучительских руках, паки же страшнее, яко и по многим мукам в темнице с высоты бросися, убился, отвержен погибе. В Боронии же обретеся яко Наваитяне и Донатисты еретицы с гор высоких убивахуся сами. Все же сии повести и учении инде у нас в пространство писаны и у Мины есть они все собраны, и листам и главам число, а зде то краткости ради оставльше, туды отсылаем уведати хотящих. Мы же кончающе о правде извещение со всеми теми вышепомянутыми писании и множайшим сих, их же не помянухом зде за скорость, еже обретается множество в божественном писании возбранений на самоубийственные смерти, с теми со всеми православными писании православно верующе, мы, православнии, глаголем отныне по сецевом многом свидетельстве, по таковом крепком изыскании: аще кто от православных, мня за старую веру доброго ради извета за сохранение печати антихристовы, дерзнет на едине или собрався сам себе коею смертию убити, згорети или утопитися, или како любо дерзнет смерть сам себе сотворити, таковые да весть себе, яко чюжди Христова закона и апостольского учения и святых отец и всех святых всего сообщения, понеже дело чюждее се и бе и есть церковному преданию и да будет же чюжде и отвержено сие нововводное бесчиние, бесчестие отныне и до века, и да не именуется в христианстве сие прелестное учение еже самем себе убивати, но Христовы законы со Христом соблюдати: гонимым бегати, ятым претерпевати, падшим с покаянием ко Христу прибегати, а масла и вина наватски не вредити, а покаяние конечне безумно отсекая у бедных, в огонь не гонити, яко же творят саможжения прелестнии учители: по принятию де антихристовы печати покаяния несть. Зле солгаша, а препростии, поверяя лсти, прежде времяне безумно изветом, яко же прелщени, да не приимут печати антихристовы, без пощады живот свой погубляют. Сего ради да престанут сия блазны, да владеют же Христовы законы, а наипаче же дерзнувшии церкви грабити, да запретятся; аще кто отныне дерзнет на таковую пагубу, еже церкви пограбя, иконы и книги и церкви дерзнет безчестити и собрався, аки в хлев и яко свинии, запалятся, – да и живи отвергнутся от церкви и умерши самоубийством отлучатся от исполнения и числа христианска, богоборцы же и иконоборцы нарекутся и книгам сожигатели, православию губители, и да будет часть их с древними еретиками, со Лвом Исавром и сыном его Копронимом, а мученические иконы сожегшия со замучившими телеса их, аки тех Еллинов слуги, второе мучеников мучат, диаволу угождая, с ними да часть их будет! Да будет! – О Господе согласившиися в православное ведение на отсечение зла сего самоубийственнаго губительства: Игнатий священноинок с четыредесятью инок, Корнилий старец с седминадесятми чернцами, Христофор со двемадесятма инок, кроме их в Серегия и Онофрия древних лет, говейных делы, известных верою отец наших Иова и Досифея, их обителей болши шестидесят старец, нас же последних убогая шесторица и белцов ж братии благоверных множество везде и повсюду, иереи же трие вси единомысленно и единодушно благоволихом на се, не по своей воли последующе и ниже себе угождающе, но писанию вышепомянутому и всей правде законной во всем соединяще себе, да путь Христов выну непорочен будет во всех: еже гонимым бегати, самем себе не наскакивати, ятым же не отступати, но мужески о Христе страдати, убийства же самоистреблением всякий путь, а наипаче самосожигателный, отнюдь да отсечется; дерзнувшие же по сем на таково беззаконное дело, еже како либо самим ся убивати, безумне христианми да не нарекутся и всякого поминовения от верных чюжди да будут. Сие достоверное наше свидетельство, избранное от святых богодухновенных писаний божественныя церкви Христовы, да будет всеми верными содержимо крепце и неизменно от ныне и в роды, аминь.